राजापूर : प्रतिनिधी
रविवारी राजापूर पोलीसांनी शहरातील बौध्दवाडी येथे एका क्रेटा गाडीमध्ये गोवा बनवाटीची दारू भरलेले ६७ बॉक्स किंमत सुमारे १ लाख १५ हजार ९२० रूपये तर पाच लाख रूपये किमतीची क्रेटा गाडी जप्त केली आहे. या प्रकरणी रोहित अंबाजी इंगळे (रा. राजापूर बंगलवाडी) या संशयिताला ताब्यात घेतले असून त्याच्या विरोधात गुन्हा दाखल केला आहे.
राजापूर शहर व तालुका परिसरात मोठया प्रमाणावर गोवा बनावटीच्या दारूची वाहतुक व विक्री होत असल्याबाबत यापुर्वी अनेक तक्रारी आहेत. पोलीसांनी यापुर्वी अनेक वेळा कारवाई करूनही हे प्रकार राजरोसपणे सुरूच आहेत. राजापूर एसटी डेपो समोरही यापुर्वी पोलीसांनी अशा प्रकारे गोवा बनावटीच्या दारूची वाहतुक करणारे टेम्पो पोलीसांनी ताब्यात घेत कारवाई केली होती. मात्र तरीही हे प्रकारे सुरूच आहेत. रविवारी अशाच प्रकारे राजापूर शाहरातील बौध्दवाडी भागात गोवा बनावटीची दारूचे बॉक्स भरलेली कार उभी असल्याची गोपनिय माहिती राजापूर पोलीसांना मिळाली होती.
या कारवाईत पोलीसांनी सुमारे १ लाख १५ हजार ९२० रूपये किमतीची गोवा बनावटीची दारू असलेले ६७ बॉक्स, तसेच सुमारे पाच लाख रूपये क्रेटा कार क्रमांक MH 05EA 0661 ही गाडी असा एकूण सहा लाख पंधरा हजार ९२० रूपयांचा मुद्देमाल व एक आरोपी ताब्यात घेतला आहे. या प्रकरणी राजापूर पोलिस ठाणे गुन्हा दाखल करण्यात आलेला आहे.
