रत्नागिरी : प्रतिनिधी
महावितरणातील अधिकारी-कर्मचाऱ्यांच्या कलागुणांना वाव देण्याच्या हेतूने दरवर्षी नाट्यस्पर्धांचे आयोजन करण्यात येते. महावितरणच्या कल्याण प्रादेशिक विभाग अंतर्गत आंतरपरिमंडलीय नाट्यस्पर्धा यंदा रत्नागिरी परिमंडलाच्या यजमानपदाखाली आयोजित करण्यात आली आहे. दि.२४ ते २६ एप्रिलदरम्यान रत्नागिरीतील स्वातंत्र्यवीर वि.दा.सावरकर नाट्यगृहात ही स्पर्धा होणार आहे.
या स्पर्धेत प्रादेशिक विभागातील भांडूप, कल्याण, रत्नागिरी, नाशिक, जळगाव या परिमंडलासह प्रकाशगड, मुंबई मुख्य कार्यालय नाट्यसंघाचा सहभाग असणार आहे. महावितरणचे संचालक (प्रकल्प) प्रसाद रेशमे व जिल्हाधिकारी एम.देवेंदर सिंह यांच्या हस्ते दि.२४ एप्रिल रोजी सकाळी १०.०० वाजता नाट्यस्पर्धेचे उदघाटन होईल. याप्रसंगी जिल्हा पोलीस अधीक्षक धनंजय कुलकर्णी यांची प्रमुख उपस्थिती असणार आहे.
