रत्नागिरी : प्रतिनिधी
फसवणूक करून जागा लाटण्याचा प्रयत्न करणाऱ्या निलंबित शिक्षक कम तोतया पत्रकाराला जागा मालकाने जागेचा व्यवहार रद्द झाल्याची नोटीस दिली आहे. ‘लोका सांगे ब्रह्मज्ञान आणि आपण कोरडे पाषाण ‘ या उक्तीनुसार वागणूक असणाऱ्या निलंबित शिक्षक कम तोतया पत्रकाराचे अनेक प्रताप उघड होऊ लागले आहेत. यूट्यूब चॅनेल काढून अनेकांची बदनामी करणारा निलंबित शिक्षक कम तोतया पत्रकार प्रवीण रावसाहेब कीणे आणि त्याच्या पत्नी प्राजक्ता कीणेला जागेच्या व्यवहारात फसवणूक केल्याने राजेंद्र विश्राम जुवेकर, रा. १०२, गिरीजा इनक्लेव्ह, पाचपाखाडी, ठाणे यांनी थेट नोटीस धाडली आहे.
या नोटीसीत म्हटल्यानुसार, गाव मौजे कोतवडे, ता. जि. रत्नागिरी येथील भूमापन क्र. २७४, उपविभाग १६, क्षेत्र ४० आर ही जमिन मिळकत मी नोटीस देणार तसेच माझी आई प्रभावती विश्राम जुवेकर यांच्या मालकी कब्जेवहीवाटीची मिळकत आहे. सदरहू मिळकत खरेदी करणेबाबत प्रवीण रावसाहेब किणे व प्राजक्ता प्रवीण किणे, दोन्ही रा. बी-२०५, यशोदा अपार्टमेंट, एकता मार्ग, मारुती मंदिर, रत्नागिरी यांनी माझेसोबत व्यवहार ठरविला. परंतु सदर व्यवहार ज्या किंमतीस ठरविला त्यापेक्षा कितीतरी कमी मोबदल्याची रक्कम नमूद केलेला परस्पर समजुतीचा लेख माझेकडून फसवून सही करुन घेतला. सबब सदर वस्तुस्थिती माझे निदर्शनाला आल्यावर मी सदरहू संपूर्ण व्यवहार रद्द केला आहे. त्यामुळे अनेकांनी या जमिनीत गुंतवणूक केली असल्याने त्यांची फसवणूक होण्याची शक्यता आहे. त्यामुळे व्यवहार करु नये असे आवाहन जागा मालक राजेंद्र विश्राम जुवेकर, रा. १०२, गिरीजा इनक्लेव्ह, पाचपाखाडी, ठाणे यांनी केले आहे.
जागा मालकाने वृत्तपत्रात प्रसिद्ध केलेली जाहीर नोटीस
