रत्नागिरी : प्रतिनिधी
७ वी राष्ट्रीय कॅडेट क्युरोगी व पूमसे चॅम्पियनशिप स्पर्धा विशाखापटनम आंध्रप्रदेश येथे दिनांक १ ऑगस्ट ते ४ ऑगस्ट रोजी होणार आहेत. या स्पर्धेसाठी रत्नागिरीतील गणराज तायक्वांदो क्लबमधीलगौरी विलणकर रवाना होणार आहे. गौरीने ७ वी राज्यस्तरीय कॅडेट तायक्वांदो स्पर्धेत सुवर्ण पदक प्राप्त केले आहे. ही स्पर्धा १९ ते २१ जुलै रोजी भद्रावती चंद्रपूर येथे झाली होती. गौरीने ५९ वजनी गटात सुवर्ण पदक पटकावले आहे.
गौरीचे सर्वत्र कौतुक होत आहे. गौरीला श्री. प्रशांत मनोज मकवाना व महिला प्रमुख प्रशिक्षक सौ. आराध्या मकवाना यांचे मार्गदर्शन लाभत आहे. याआधी गौरीने ‘खेलो इंडिया’ स्पर्धेत सुवर्ण पदक प्राप्त केले होते. गौरीला तायक्वांदो असोसिएशन ऑफ महाराष्ट्राचे अध्यक्ष डॉ. अविनाश भाराजगे, सेक्रेटरी मिलिंद पाठारे, उपाध्यक्ष प्रविण बोरसे, धुळेछंद मेश्राम, खजिनदार व्यंकटेशराव करा, जिल्ह्याचे सचिव लक्ष्मण करा, कोषाध्यक्ष शशांक घडशी, मिलिंद भागवत, नुतन कीर, साक्षी मयेकर, कनिष्का शेरे, भगवान गुरुव, रंजना मोडूळा, यशंवत शेलार, पुजा कवितके यांनी गौरीला शुभेच्छा दिल्या आहेत.
