पर्यायी रस्त्याने प्रवास करण्याच्या महामार्ग विभागाच्या सूचना
पोलादपूर : प्रतिनिधी
मुंबई गोवा राष्ट्रीय महामार्ग हा येत्या दोन दिवस दिवसातून चार तास बंद राहणार असल्याची माहिती समोर आली आहे. मुंबई गोवा महामार्गावरील कोलाड हद्दीतील पुई म्हैसदरा पुलाचं काम गेल्या काही दिवसापासून सुरू आहे. या पुलावरील लोखंडी गर्डर बसविण्याकरिता महामार्ग गुरुवार दिनांक १८ आणि शुक्रवार दिनांक १९ रोजी दुपारी बारा ते चार असा एकून चार तास बंद राहणार असल्याची माहिती मुख्यालयातील पोलीस अधीक्षक अरविंद साळवी यांनी नुकतीच दिली आहे.
पर्यायी वाहतुकीसाठी या वेळेत कोकणा कडून मुंबईकडे यायचं असल्यास माणगाव निजामपूर पाली खोपोली असा प्रवास करावा लागणार तर मुंबईकडून गोवा कडे यायचं झाल्यास वाकन पाली निजामपूर माणगाव असा प्रवास करावा लागणार आहे. मुंबई गोवा महामार्गावरील कामाने वेग घेतला असून गेले दीड दशके रखडलेला हा महामार्ग पूर्ण करण्याकडे सार्वजनिक बांधकाम मंत्री रवींद्र चव्हाण यांनी लक्ष घातले आहे. त्यानुसार कामाला गती आली आहे.
