रत्नागिरी सिंधुदुर्ग लोकसभा निवडणूक : साडेचौदा लाख मतदारांच्या हाती उमेदवारांचे भवितव्य
रत्नागिरी – प्रतिनिधी
रत्नागिरी – सिंधुदुर्ग लोकसभा मतदारसंघात एकूण १४ लाख ३८ हजार ४७१ मतदार आहेत. या मतदारांच्या हातात उमेदवारांचे भवितव्य आहे. साधारण ६५ टक्केपर्यंत मतदान होत असते. मात्र यावेळी हा टक्का वाढण्याची शक्यता आहे. यावेळी हा टक्का वाढला तर प्रस्थापित खासदार विनायक राऊत यांना धक्का बसू शकतो. महायुतीची प्रचाराची रणनीती पाहता नारायण राणे यांना ही निवडणूक फारसी कठीण नाही. मतदानाचा टक्का वाढविणे, आपला जाहीरनामा लोकांपर्यंत पोहचविणे आणि विकासाचे व्हिजन मांडणे यामध्ये जो उमेदवार यशस्वी होईल त्याला ही निवडणूक कठीण नाही.
रत्नागिरी – सिंधुदुर्ग मतदारसंघात ८५ वर्षांवरील ज्येष्ठ मतदारांमध्ये पुरुषांपेक्षा महिला मतदारांची संख्या अधिक आहे. या वयोगटातील एकूण मतदारांच्या तुलनेत महिला मतदार ६२ टक्के असून पुरुष मतदार ३८ टक्के आहेत. तर एकूण मतदारांच्या तुलनेत ज्येष्ठ महिला मतदारांची संख्या १.१३ टक्के आहे. या मतदारसंघात ८५ वर्षांवरील ज्येष्ठ मतदारांची एकूण संख्या २६,१८१ आहे. यात महिलांची संख्या १६,३१९ तर पुरुष ९,८६२ आहेत. या लोकसभा मतदारसंघात ४० वयोगटापासून पुढे सर्वच सामान्य महिला मतदारांची आकडेवारी पुरुष मतदारांपेक्षा अधिक आहे. एकूण १४ लाख ३८ हजार ४७१ मतदारांपैकी पुरुष मतदार ७ लाख ८ हजार ४८७ तर महिला मतदार ७ लाख २९ हजार ९७३ आहेत. परंतु ८५ वर्षांवरील वयोगटातही महिलांची संख्या अधिक आहे.या गटातील मतदारांची एकूण संख्या २६,१८१ आहे. यात महिलांची संख्या १६,३१९ असून पुरूष मतदार ९,८६२ आहेत. म्हणजेच ८५ वर्षांवरील महिलांची संख्या तब्बल ६२ टक्के तर पुरुष मतदार केवळ ३८ टक्के इतके आहे.
एकूण १४ लाख ३८ हजार ४७१ मतदारांच्या तुलनेत ८५ वर्षांवरील महिलांची संख्या १.१३ टक्के तर पुरुषांची संख्या ०.६ टक्के इतकी आहे. एकंदरीत ही आकडेवारी पाहता पुरुषांपेक्षा महिलांचे आयुर्मान अधिक वाढलेले असल्याचे दिसून येते. ४० वर्षांवरील वयोगटातील महिलांचीही संख्या पुरुषांच्या तुलनेने अधिक असल्याचे दिसते.
