देवरुख : प्रतिनिधी
भाजप महिला मोर्चा जिल्हा पदाधिकारी जिल्हा उपाध्यक्ष सौ.भारती राजवाडे, जिल्हा उपाध्यक्ष सौ. शितल पंडित यांच्या नियोजना अंतर्गत दिनांक १९ ऑगस्ट रोजी देवरुख पोलीस स्टेशन येथे रक्षाबंधनाचे औचित्य साधून भारतीय जनता पक्षाकडून पोलीस बांधवांना राख्या बांधण्यात आल्या.
भावा – बहिणीच्या नात्यातला गोडवा वाढवणारा कर्तव्याची जाणीव करून देणारा आणि भरभरून आनंद घेऊन येणारा असा हा सण आहे. पोलीस हे जनतेचे सारथी कैवारी सगळ्यांना सुरक्षा कवच देणाऱ्या पोलीस बांधवांना पोलीस निरीक्षक श्री जाधव साहेब यांच्या औक्षणांनी सुरुवात करून सर्वांना राख्या बांधण्यात आल्या.
या कार्यक्रमास महिला मोर्चाच्या तालुका सरचिटणीस स्वाती गोडे, तालुका उपाध्यक्ष सौ. समृद्धी वेलवणकर, तालुका उपाध्यक्ष सौ. श्रेया मोहिते यांच्यासह कार्यकर्त्या उपस्थित होत्या. स्तुत्य उपक्रमाबद्दल देवरुख पोलीस कर्मचाऱ्यांनी समाधान व्यक्त केले. या कार्यक्रमासाठी पोलीस श्री. सागर मुरुडकर, श्री. सुतार यांचे मोलाचे सहकार्य मिळाले.
