रत्नागिरी : प्रतिनिधी
आमरण उपोषण करण्यासाठी बसल्यानंतर अवघ्या १२ तासात प्रशासनाने माझी लाडकी बहीण योजनेच्या बॅनरवर खासदार नारायण राणे यांचा फोटो छापला. भाजप अनुसूचित जाती मोर्चाचे जिल्हाध्यक्ष संजय निवाळकर यांच्या दणक्याने राजकारण करणाऱ्या प्रशासनाला आणि त्यामागे असलेल्या सुप्त राजकारण्यांची भंबेरी उडाली आहे. राजापूरसह संपूर्ण जिल्ह्यात महायुतीच्या ज्या ज्या योजनाचे माहिती फलक लागतील त्यावर खासदार नारायण राणे यांचा फोटो प्रोटोकॉल नुसार लावण्यास यायलाच पाहिजे, यावेळी आमरण उपोषणच केले भविष्यात महायुतीतील घटक म्हणून डावळले केल्यास आंदोलन करू असा इशारा संजय निवळकर यांनी दिला आहे.
मुख्यमंत्री माझी लाडकी बहीण योजना राबवताना स्थानिक खासदारांचा फोटो कोणत्याही बॅनरवर छापण्यात येत नव्हता. त्यामागे राजकारण होत होते. त्या विरोधात भाजपचे अनुसूचित जाती मोर्चा जिल्हाध्यक्ष संजय निवळकर यांनी आमरण उपोषण करण्यास सुरुवात केली होती. त्यांनी हे उपोषण सोडावे यासाठी गटविकास अधिकारी यांनी इथून पुढे प्रत्येक बॅनर वरती प्रोटोकॉल नुसार खासदार राणे यांचा फोटो प्रत्येक ग्रामपंचायत स्तरावरती लावण्यात येईल, असे आश्वासन दिले होते. त्यानुसार निवळकर यांनी आपले उपोषण स्थगित केले होते. या उपोषणाचा दणका प्रशासनाला इतका बसला की त्यावर लगेचच कार्यवाही करत बॅनर वर खासदार नारायण राणे यांचा फोटो लावण्यात आला आहे. त्याशिवाय ग्रामपंचायत स्तरावर प्रोटोकॉल नुसार राणे यांचे फोटो तसेच नामावली लावण्याचे निर्देश गटविकास अधिकाऱ्यांनी दिले आहेत.
