रत्नागिरी : प्रतिनिधी
शहर पोलिसांनी अमली पदार्थांविरोधातील कारवाईत 66 हजार रुपये किमतीच्या ब्राऊन हेरॉईनसह अरमान लियाकत धामस्कर (वय २७, रा. जे. के. फाईल्स, रत्नागिरी) या संशयिताला अटक केली आहे.
मिळालेल्या माहितीनुसार, दि. १ मे रोजी सायंकाळी सुमारे ५ वाजण्याच्या सुमारास कोकण नगर येथील साईभूमी अपार्टमेंटच्या पाठीमागील परिसरात ब्राऊन हेरॉईन हा अमली पदार्थ विक्रीसाठी आणण्यात आल्याची माहिती शहर पोलिसांना मिळाली होती. त्यानुसार पोलिसांनी सापळा रचून कारवाई केली.
या कारवाईत अरमान लियाकत धामस्कर (वय २७, रा. जे. के. फाईल्स, रत्नागिरी) याला ताब्यात घेण्यात आले. त्याच्याकडून ६६ हजार रुपये किमतीचे ५.५ ग्रॅम ब्राऊन हेरॉईन जप्त करण्यात आले. याप्रकरणी शहर पोलीस ठाण्यात गुन्हा दाखल करण्यात आला असून आरोपीला अटक करण्यात आली आहे. पुढील तपास शहर पोलीस करत आहेत.
