रत्नागिरी : प्रतिनिधी
दहशतवाद विरोधी शाखेस गोपनीय बातमीदारांमार्फत खेड पोलीस ठाणे हद्दित कळंबणी आपेडे फाटा येथील सुरु असलेल्या बांधकाम इमारतीमध्ये बांग्लादेशी नागरीक बेकायदेशीरपणे वास्तव्यास असलेबाबत माहिती मिळाल्याने घटनास्थळी जाऊन तेथील कामगारांकडे खात्री केली असता, एक बांग्लादेशी अकबर अबु शेख, (६५, रा. पेडोली), तहसील चौदुलपुर, ठाणा अभयनगर, जिल्हा जेशुर, राज्य ढाका देश बांगलादेश हा मिळून आल्याने त्याचेविरुध्द खेड पोलीस ठाणे येथे गुन्हा दाखल करण्यात आलेला आहे. त्यास अटक करण्यात आली असून त्याची ४ दिवसांची पोलीस कोठडी घेऊन पुढील तपास करण्यात येत आहे.
अलीकडच्या काळात राज्यात बांग्लादेशी नागरिक भारतामध्ये बेकायदेशीरपणे घुसखोरी करुन वास्तव्य करीत असल्याबाबत निर्देशनास आले आहे. शासनाकडून तसेच वरिष्ठांकडून बांग्लादेशी नागरीकांवर कारवाई करणेबाबत सुचित करण्यात आले होते. त्याबाबत पोलीस अधीक्षक श्री. धनंजय कुलकर्णी, व अपर पोलीस अधीक्षक श्रीमती जयश्री गायकवाड, यांनी बेकायदेशीरपणे रत्नागिरी जिल्हयात वास्तव्यास असलेल्या बांग्लादेशी नागरिकांची गोपनीय माहिती घेऊन त्यांचेवर कारवाई करणेबाबत दहशतवाद विरोधी शाखेस सुचना दिलेल्या होत्या. त्यानुसार सदर कामगिरी दहशतवाद विरोधी शाखेतील पोहेकॉ महेश गुरव, पोहेकों/आशिष शेलार, पोहेकॉ योगेश तेंडुलकर, पो.ना/रत्नकांत शिंदे व पोकों/गोवर्धन राठोड यांनी केलेली आहे.
